नेपाल सरकारका साझा नीति तथा कार्यक्रम तयार

१९ जेठ, सारेगामा सन्सार। सरकार सञ्चालनका लागि तयार गरिएको न्यूनतम साझा नीति तथा कार्यक्रमलाई गठबन्धनका प्रमुख चार दल सम्मिलीत कार्यदलको बैठकले तयार गरेको छ ।
एमाले संविधान सभादलको कार्यालय सिंहदरबारमा बसेको बैठकले यसलाई कार्यदल तहबाट टुङ्ग्याइएको एमाले नेता तथा प्रधानमन्त्रीका राजनीतिक सल्लाहकार रघुजी पन्तले जानकारी दिनुभयो । ‘कार्यदलले तयार पारेको साझा कार्यक्रम तयार भएको छ, नेता पन्चले भन्नुभयो,दिउँसो बस्ने संविधानसभाका २२ दलको सयूक्त बैठकले अनुमोदन गर्नेछ ।
सरकारको साझा कार्यक्रम सँगै मन्त्रालयको भागबण्डाका विषयमा समेत छलफल गरेको छ । साझा नीति तथा कार्यक्रममा राजनीतिक दलहरुबीच राष्ट्रिय सहमतिको कायम गर्ने, सहमति र सम्झौताको कार्यन्वयन गर्दै शान्ति प्रक्रियालाई पूर्णता दिनेलगायतका विषयहरुलाई प्राथमिकतामा राखिएको मधेसी जनाधिकार फोरमका प्रवक्ता जितेन्द्र देवले जानकारी दिनुभयो ।